Waktos – Bagi kamu yang sedang mencari materi ceramah dalam bahasa Sunda yang lucu tentang Syukuran atau bersyukur atas nikmat yang telah diberikan, kamu bisa menggunakan materi ceramah di bawah ini. Ceramah ini mencakup pembukaan, penghormatan, isi ceramah, serta penutup.
Tanpa berlama-lama, mari kita langsung mulai dengan bagian pertama, yaitu pembukaan. Semoga materi ceramah dalam bahasa Sunda ini dapat membantu kamu dalam mempersiapkan ceramah di tengah masyarakat.
Pembukaan Ceramah
Assalamu’alaikum Wr. Wb.
الحمد لله الذي امرنا با الشكر للنعم. وخلق الانسان في احدث العلام .
والصلاة والسلام رسول الختام. سيدنا محمد ذي الجلال والكرام وعلى المود بو التابعين لهم بـ الاحسان اما بعد)
قال الله تعالى : لئن شكرتم لأزيدنكم ولئن كفرتم ان عذابي لشديد
Puja sinareng puji urang panjatkeun ka dzat nu Maha Kuat nyatana Alloh nu Maha rohmat, anu parantos masihan ni’mat, anu kacida lebat, anu mana eta ni’mat, saalit oge datangna can pernah telat, komo dugika saat, salamina tumiba kadiri teu kendat-kendat, tatapi hanjakal, seueur jalma anu lepat, mopohokeun kana ni’mat, anu sakedahna disyukuran teu kaliwat, malah kufur kana ni’mat. Na’udzu billah.
Sholawat sinareng salam, mugia salamina di kocor golontorkeun ka dunungan urang sadaya, anu mana pimpinan anu tegap nu tara men suap. Pimpinan anu amanah anu tara maen jarah. Nyatana baginda nabi muhammad SAW.
Penghormatan
Ka para kiai, anu dipika hormat, ka para tokoh masyarakat anu dipika hormat, sareng ka sadaya wargi, kalayan sumanget silih hormati sareng silih asih, mugia urang sadaya tiasa ngaregepkeun ieu ceramah kalayan hate anu saregep, jeung tiasa nambihan kapinteran, pangaweruh, sareng keimanan urang sadaya.
Isi Ceramah
Hadirin Rohimakumulloh
Alhamdulillah dina ieu kasempatan, urang sadayana masih tiasa ngariung jeung nu ditiung, ciricing jeung nu make lejing. Silaturahmi jeung anu marake peci, malah mah Anu teu make peci oge tetep bisa ngahiji betul??, nyaeta silih tepang jeung nu rambutna pirang, bisa ngajedog jeung anu rambutna jogrog, malah papendak jeung anu botak, aya nu botak aya? nu botak teh kawas naeun ceu ?? kawas tuyul… teu sopan !! teu sakabeh tuyul eta botak, tapi satiap anu botak pasti tuyul..hehe..
Mung teu aya sanes intina kempel urang dina ieu wengi seja silaturahmi bari tolabul ilmi. Alhamdulillah
Namung hapunten, sateuacan sim abdi nyingkapkeun lembar demi lembar, materi demi materi, ku abdi bade di judulan heula ieu pangaosan anu mana judulna SUNAMI.
Hadirin Rohimakumulloh.
Sadayana pasti bingung, kunaon simkuring bet nerangkeun sunami ? maka dari itu simkuring ngahimbau kasadayana ngajina teh ulah sapotong- sapotong, sing nepika rengse, setuju??
cung wee nu naroskeun, naon atuh sunami teh ? samemeh dijelaskeun, simkuring naros heula kasadayana wios ? pertarosanna saaliiit we, nyaeta kira-kira urang hayong teu dipasihan sunami !!?? pasti sadayana kompak ngajawab ALIIIM. Betul…
tapi lamun ditarosna hoyong dipasihan SUAMI…?? pasti sanes alim ngajawabna tapi AMIIN…
komo nu kaleresan PARKO (parawan kolot) atawa DAKOSAN (randa kolot pisan) pasti hoyongeun pisan, betul !! hehe
Moal aya anu satuju jeung anu kersaeun pasihan sunami. Malah ceuk paripaosna lamun nawaran nanya ka orang sunda “euceu hoyong kasumpingan tsunami?” pasti ngajawab Ikh..AJEB- AJEB hartinateh “amit-amit jebang bayi”…betuul Nawaran deui ka orang betawi “bu, pa, cing, cang, kire-kire kite mau gak ni di santrongi ame sunami ?” pastinye nyang jawab bakal gini “kite lo aje kali gua engga!!!” nu pasti mah moal aya anu ridoeun. Kunaon sababna da eta nu kabayang teh sunami mangrupa musibah anu sangat pikapaureun. Ombak badag nu ngagebray Ngancurkeun imah nu ngantay Hese lumpat hese ngojay
Sunami mangrupa balay Ibu…bapa…leres kitu…??? tapi tong hawatos, sanes sunami eta anu bade dijelaskeun ku abdi. Tatapina sunami anu bade dijelaskeun sunami nu hartosna teh Sukur Nambihan Milik…
Naon cenah bu? (tanya ka mustami)
Timbul we hiji pertanyaan, naha leres orang-orang anu senantiasa syukuran teh bakal ditambihan milikna, rizqina, sareng ni’matna ku gusti Alloh ?? yu urang jawab ku dawuhan Alloh SWT
dina Al-Qur’an.. لئن شكرتم لأزيدنكم ولئن كفرتم ان عذابي لشديد
Hartosna: “Saha jalma nu syukuran Kana ni’mat ti pangeran Tangtu Allah rek nambahan Kana eta kani’matan” (Di nadzomkeun)
Malihan lamun diibaratkeun mah jalma anu syukuran teh lir ibarat anu ngiridit motor ti dealer. Percanten teu bu? cik gera urang samikeun nya. Conto mang midun ngiridit motor. Motorna merk mio. Terang mio? Mio teh (motor iuran oge) atawa supra (setorang unggal poe rieut aing mah). Anu mana dimana urang ngiridit katangtosannana kudu nyetoran tiap sabulan sakali anu ageungna Aya anu 500 rebu, 400 rebu, benten-benten…..leres…!! atuh Dimana-mana eta motor rutin disetoran ku urang lambat laun motorna oge bakal karaos ni’mat di anggona. tahh ni’mat oge pami disyukuran bakal tambih tambih leres teu?
tapi lamun urang nyetorannana rada kebluk, mayaran ka dealerna teu rutin, januari & februari mayar, jol maret henteu. Pasti ti dealer minimalna mere surat tagihan, maksimalna mah motor nu ku urang dipake bisa jadi dibawa deui secara paksa!!.
sami halna jeung nimat, anu mana Alloh swt teu pernah elat masihan ni’mat ka urang. Malah mandar ku anjeunna mah disampurnakeun ni’matna pikeun urang. Sakumaha dawuhannana:
ويتم نعمته Jeung parantos nyampurnakeun kami Alloh kana Ni’mat Maraneh kabeh
Tatapina eta ni’mat lamun teu di syukuran ka gusti Alloh, maka pasti hasilna:
Ka hiji Sumping peringatan ti gusti Alloh ku mangpirang-pirang tegurannana.conto Sirah migren, irung nongtot leho, suku rematik, cangkeng encok, taaah kudu waspada boa-boa eta teh peringatan Alloh SWT ka urang nu tara syukuran ka Anjeunna. Malah lamun urang angger tara syukuraan mah,
bisa jadi ni’mat anu aya dina diri bakal dicandak ku nu gaduhna. Harta beak, usaha ruksak, hirup balangsak, nafas sesak, malihan ajal bisa datang urang moal bisa ngelak. sabab urang geus wani wani kuffur kana eta ni’mat
ولئن كفرتم ان عذابي لشديد .
Hartosna: “Lamun anjeun kufur kana nikmat ti pangeran, maka saestuna siksa Alloh eta anu banget”
Hadirin rohimakumulloh……
Ku hal sakitu ti danget ayeuna urang ulah hilap bersyukur, syukur ku jalan
صرف العبد جميع ما انعم الله به
Nashorupkeun sadaya pamasihan Anjeunna ku dipake ibadah sehat dipake to’at,
Gering oge eling, pinter dipake bener, bodo oge dipake jalan milari kanyaho. Beunghar dipake jembar, malarat oge ibadah ulah kendat-kendat. Mudah-mudahan ku jalan eta, urang termasuk jalma-jalma anu manjatkeun syukur, ka Dzat anu maha ghofur. Atuh sugan we ku eta syukur ni’mat urang moal kabur, malah tiasa nambihan kalayan mancur. Da hakikatna lamun urang getol bersyukur, di dunia moal lapur, maot dijero kubur, senantiasa aya anu ngahibur, di akherat ge bakal ma’mur …… kan cek gur …..
Penutup Ceramah
Mung sakitu anu tiada disanggemkeun mudah-mudahan seueur manfaatna
Kalo ada jarum yang patah
Jangan disimpan didalam laci
Lamun simkuring parantos da’wah
Kade amplopna sing kaharti
Billahi taofik wal hidayah wassalamu’alaikum warohmatullohi wabarokatuh.
Wasalam
Semoga materi ceramah bahasa sunda lucu tentang syukuran atau bersyukur ini bisa membantu kamu dalam berceramah di hadapan khalayak banyak.
Note : Ceramah diatas diambil dari buku BADAL (Bahan Da’wah Lucu) dari BASKOM ( Barudak Santri Komedi) – Ahmad Sofyan.
